أول تعليق من سيد عبدالحفيظ على انضمام زيزو إلى الأهلي
في رد ناري كعادته، خرج الكابتن سيد عبدالحفيظ، مدير الكرة السابق بالنادي الأهلي، ليعلق على انتقال نجم الزمالك أحمد سيد زيزو إلى الأهلي، في صفقة وصفت بالأضخم في الكرة المصرية خلال العقدين الأخيرين، موجّهًا سهام النقد إلى أحمد حسام ميدو، عضو اللجنة الفنية بنادي الزمالك.
بداية السجال جاءت بعدما صرّح ميدو قائلاً: “معانا شيكات مفتوحة علشان نضم أي لاعب من الأهلي، وفيه اتنين لعيبة أساسيين كلموني عشان ييجوا الزمالك”.
الرد لم يتأخر كثيرًا، حيث خرج سيد عبدالحفيظ بتصريحات لاذعة قال فيها:
“لما نتكلم عن الانتقالات بين الأهلي والزمالك، فإحنا بنتكلم بالأرقام والتاريخ… معظم اللي راحوا الزمالك من الأهلي، ماكنش فيه رغبة من النادي في استمرارهم، باستثناء حالات معدودة زي عبدالله السعيد ورمضان صبحي وأحمد فتحي.”
وأضاف: “في الاتجاه العكسي، الزمالك كان متمسك بكل لعيب راح الأهلي، من جمال عبدالحميد لحد زيزو، وده يوضح مين اللي بيكسب في سوق الانتقالات.”
سيد عبدالحفيظ يرد على ميدو
في رسالته المباشرة لميدو، تابع عبدالحفيظ: “كلام الشيكات ده يتقال لنفسك، الأهلي ما بيدورش على الشو.. اللي يعوزه البيت يحرم على الجامع، شوف احتياجاتك الأول.”
كما أشار إلى احتمالية انتقال بعض لاعبي الأهلي المنتهية عقودهم، مثل رامي ربيعة وياسر إبراهيم، إلى الزمالك بقوله: “لو الزمالك قادر يتعاقد معاهم فده جزء من المنافسة الشريفة.. لكن في النهاية إحنا بنشتغل بمبدأ مش بالعشوائية.”
انضمام زيزو للأهلي
وحول انضمام زيزو قال عبدالحفيظ: “ده لاعب محافظ على مستواه من سنتين أو تلاتة، وإضافة كبيرة جدًا للأهلي. زيزو لعيب جماعي، وشخصيته مناسبة لفريق كبير بيشتغل بمنظومة.”
وحذّر عبدالحفيظ من تكرار تجارب سابقة مثل شيكابالا ووائل القباني، قائلاً: “الصفقة بالنسبة ليا تكتمل لما أشوفه لابس تيشيرت الأهلي في ماتش رسمي.. الأهلي لازم ياخد حقه في حالة وجود أي تراجع.”
اختتم عبدالحفيظ حديثه برسالة واضحة شدد فيها على أهمية احترام التعاقدات: “إحنا في عصر لازم كل طرف يعرف حقوقه ويلتزم بيها. التراجع مش مقبول دلوقتي، والأهلي ليه حق ولازم يدافع عنه.”
