تسود حالة من التوتر بين نادي الزمالك وإدارة نادي بتروجت على خلفية تعثّر مفاوضات انتقال اللاعب حامد حمدان، نجم خط وسط بتروجت، إلى القلعة البيضاء، وهو ما وصفه مسئولو الزمالك بأنه “تعنت غير مبرر” من إدارة النادي البترولي، رغم إبداء اللاعب رغبته الصريحة في ارتداء قميص الفريق الأبيض.
المسئولين في نادي الزمالك زعلانين جدا من اللي بتعمله إدارة نادي بتروجت معاهم وتعنتهم في حسم صفقة حامد حمدان اللي مصمم على الانضمام للقلعة البيضاء.. وعشان كدا إدارة الزمالك قررت تصعد في موقفها وتشتكي لوزير في الحكومة عشان يخلص الصفقة زي ما حصل في صفقة وليد سليمان نجم الأهلي السابق اللي ناديه كان رافض رحيله.
نجم خط الوسط حامد حمدان مصمم على الانضمام لنادي الزمالك لكن المسئولين في بتروجت رافض رحيله.. وده اللي خلى اللاعب يدخل في حالة نفسية سيئة.. وده اللي أكده أخوه.
إدارة الزمالك عشان تحسم الصفقة قررت انها تقدم شكوى رسمية للمهندس كريم بدوي، وزير البترول والثروة المعدنية، للمطالبة بفتح تحقيق عاجل في الموقف اللي حصل من إدارة شركة بتروجت، وبالتحديد من رئيسها المهندس وليد لطفي، بسبب تعنته الغريب ورفضه عرض الزمالك لضم اللاعب.
عضو مجلس إدارة الزمالك قال: “هنقدّم للوزير دلائل واضحة بتأكد إن فيه تعنّت من رئيس الشركة ضد نادي الزمالك وجماهيره، وده نابع من انتمائه المعروف للنادي الأهلي.
“إحنا مكانش بينا وبين بتروجت أي خلافات قبل كده، بالعكس العلاقة كانت محترمة والتعاون موجود من سنين في الصفقات وانتقالات اللاعبين، لكن اللي حصل مع المهندس وليد لطفي مستغربينه جدًا”.
الزمالك وصله رسايل واتساب من أطراف مختلفة، بتقول إن السبب الحقيقي لتعطيل الصفقة هو رئيس الشركة نفسه، مش النادي ولا الجهاز الفني، وإنه بيحاول يوجه اللاعب لنادي تاني رغم إن مفيش أي مفاوضات تانية شغالة عليه!
اللاعب أعلن صراحة رغبته في الانضمام للقلعة البيضاء، وده خلّى إدارة الزمالك تتمسك أكتر بضمّه، وقالوا بوضوح: “مش هنتنازل عن حلمي ولازم نعرف سبب التعنت ده..
رامي حمدان أخو حامد حمدان ووكيل أعماله: قال اللاعب بيمر بحالة سيئة جدا نفسياً ومش بيرد على حد يمكن والدته بس اللي كلمته واحنا مش غزة في مصر.
اللاعب بقاله موسمين مع بتروجيت ومضى بياض ومتكلمشي على أي شرط مادي اول ما راح.
وكان شرط حامد وقتها إنه لو جاله عرض يسبوه يمشي وخصوصاً لو كان من نادي الزمالك لأنه حلم ليه.
الناس هنا مهما قولت لك انتظارهم لحسم صفقة حامد مع الزمالك.. ده شئ كبير بالنسبة لنا وسط كل الهموم اللي عيشنها.
احنا مستعدين ندفع فلوس من جيوبنا علشان حامد حمدان يلعب في الزمالك ده حلم لنا، اللاعب بقاله سنين وهو مشافش أهله واشتغل على نفسه من الدرجات الأدنى ونفسه حلمه يتحقق باللعب نادي الزمالك
بطالب الشعب المصري بالوقوف مع حامد حمدان اللي موجود في مصر لوحده بدون اخوه ولا أبوه ولا أمه .. وتحقيق حلمه في اللعب لنادي الزمالك
حامد حمدان قال: “خلقت الأحلام كي تتحقق وليس لتُمنع. إرادة الله فوق إرادة البشر ”
ووالده علق على البوست وقال: ابني حامد غير نصيبك ما بيصيبك.. لو ليك نصيب تلعب في الزمالك هتلعب لو اجتمعت الانس والجن على ينفعوك بشئ لن ينفعوك إلا بما كتب الله لك.